Princ Harry dhe Meghan Markle kurorëzuan sot dashurinë e tyre. Markle ka mbërritur në kishë në ceremoninë martesore me princin Harry, duke u shfaqur e mrekullueshme nën fustanin e bardhë.
Ajo hyri në kishën ku do të martohej me Princin Harry me një fustan të bardhë, të thjeshtë dhe shumë të bukur.
Përpara se të falënderonte babanë e tij, Princin Charles, i cili e shoqëroi deri në altarin e kishës Shën Xhorxh nusen, Harry i kapi dorën Meghan dhe i tha se dukej fantastike.
Më pas çifti bën betimet para Zotit për dashuri të përjetshme, i thonë “PO” njeri-tjetrit
Ndërkohë ceremonia e shkëmbimit të unazave u pa nga miliona persona në të gjithë botën.
Mësohet se fustani është dizenjuar nga Clere Keller e Givenchy.
Çifti Clooney, çifti Beckham, Idris Elba, Elton John dhe Oprah Winfrey janë disa nga të ftuarit më të famshëm të kësaj lidhjeje martesore. Ndërkohë, jashtë kishës ndodhen rreth 100 000 persona për të parë çiftin mbretëror.
Panorama Plus
NDIQE LIVE "PANORAMA TV" © Panoramaplus.al