“Nuk do e fitoj kurrë Eurovision. Mos e thoni më”-është shprehur Ronela Hajati disa herë gjatë kësaj periudhe. E nëse këtë e besonim, ajo që për shumë erdhi si e pabesueshme është skualifikimi i saj.
E sigurisht edhe për vet Ronelën. Pavarësisht mbështetjes së madhe që pati, gjë qu u reflektua në rrjetet sociale dhe YouTube ku është më e pëlqyera, Ronela nuk ia doli të prekte finalen.
Sikurse mund ta shihni në videon e mëposhtme, në momentin që u tha emri i fundit i finaslitit ajo ka reaguar e zhgënjyer me dëshpërimin që i lexohet qartë në fytyrë. Në një moment ajo ngre duar lart e jep një buzëqeshje të cunguar.
E njësoj ka reaguar edhe delegacioni që e shoqëronte.
Në rrjetet sociale njerëzit kanë shpërthyer në komente.
Në faqen e Eurovision në Instagram me mijëra komente kanë vërshuar nga ndjekësit ku kërkohet drejtësi për vendin tonë.
“Drejtësi për Shqipërinë”/ “Ia futët Shqipërisë”/ “Shqipëria meritonte finalen”/ “Ku është Shqipëria” janë komentet mbizotëruese në çdo postim dhe numërojnë me qindra pëlqime brenda pak minutash çka nënkpton se shumë njerëz janë dakord me këtë.
NDIQE LIVE "PANORAMA TV" © Panoramaplus.al