Mariza Ikonomi është pjesë e botës së muzikës prej shumë vitesh dhe hapat e saj drejt suksesit nisin që kur ishte një fëmijë i vogël.
Ndonëse kanë kaluar shumë vite, këngëtarja kujton mirë çdo gjë e madje preket nga disa momente, siç është ai kur dëgjon këngën e saj em Françesk Radin, të titulluar “Telefonatë Zemrash”.
E ftuar në emisionin “Historia Ime”, artistja nuk i mbajti dot lotët kur kënga u shfaq në ekran.
“E kam shumë të vështirë të dëgjoj këtë këngë. Edhe pse më fal emocione, nuk mundem të mos prekem. Edhe nga profesori… unë vazhdoj të mendoj që ai është akoma, edhe pse ka ndërruar jetë.
Është e pabesueshme ende për mua, që ai tashmë është në një jetë tjetër. Ka qenë shumë afër meje në karrierën time si artiste. Më ka ndihmuar, më ka mbështetur.
Gjithmonë takoheshim dhe flisnim për problemet e muzikës. Çdo gjë të re që unë bëja ia tregoja. I pari që ia tregoja ishte profesori dhe gjithmonë e dija që nuk do merrja atë rezultat që prisja, sepse dihet që familja, mami, më thoshin ti je më e mira.
Profesori t’i thoshte gjërat ashtu siç ishin dhe ndonjëherë ishte dhe i sertë dhe shumë kërkues dhe unë i vlerësoja kritikat e tij.
Sot dhe kësaj dite më mungojnë kritikat e tij, sepse mungojnë artistë që të thonë mendimet e sinqerta. Ishte krijuar një raport i bukur, profesional-miqësor, saqë vështirë ta thyesh.”
Këngëtarja tha se do jetë gjithmonë falënderuese ndaj Françesk Radit, sepse i ka lënë kujtimin më të bukur të fëmijërisë.
NDIQE LIVE "PANORAMA TV" © Panoramaplus.al