Tre vite më parë, familjes së bukur të Ermal Mamaqit dhe Amarda Toskës, iu shtua edhe një vajzë, të cilën e pagëzuan me emrin Sia.
Ditën e djeshme, vogëlushja ka festuar 3-vjetorin e lindjes dhe në këtë ditë të veçantë, Amarda dhe Ermali u kujdesën që të organizonin një festë të mrekullueshme.
Dyshja ka ndarë në rrjete sociale imazhe nga festa, mes të cilave nuk kanë munguar ato me Sia-n, që ndodh shumë rrallë herë.
Në foto shihet që Ermali dhe Amarda janë veshur me të bardha, teksa mbajnë të gëzuar vajzën në krahë.
“Tre vjet më parë, Sia e ndriçoi jetën tonë, siç bëjnë vajzat… Që nga ajo ditë e deri në fund përjetë bashkë të pandarë!”, shkroi moderatorja krahas postimit.
Ndërkohë, Ermali shkroi: “Sia dashuria 3”.
Pak ditë më parë edhe Amarda festoi 39-vjetorin e lindjes e në këtë ditë të veçantë ajo u surprizua si nga stafi, ashtu edhe nga bashkëshorti, i cili kishte angazhuar të gjithë stafin e “Dua të të bëj të lumtur” për këtë qëllim.
Çifti janë edhe prindër të një djali 6-vjeçar, të cilin e kanë quajtur Joel.
NDIQE LIVE "PANORAMA TV" © Panoramaplus.al