E ofendoi duke e krahasuar me …, partnerja e Stresit reagon për herë të parë kundër Roza Latit: Njerëz që e ndërtojnë karrierën në kurriz të…

Skeçi i Stresit në krevat me Roza Latin bëri bujë në media vitin e kaluar.

Partnerja e Stresit nuk e priti aspak mirë dhe u shpreh se moderatorja i cënoi jetën private, si edhe u tall me vuajtjen e saj.

E ftuar në një emision, Roza e krahasoi reperin me emojin e zemrës, ndërsa partneren e tij, Keisin, me emojin e jashtëqitjes.

“Apapa për Stresin e kam këtë zemrën sepse Stresi është si zemër, është djalë shumë korrekt dhe djalë shumë i mirë. Kurse për atë vajzën ka ngelur kjo, emoji i jashtëqitjes.

Nuk do doja t’i vija këtë, do të doja t’i vija këtë emojin e inatit, por kjo ka ngelur për reagimin e saj ekstrem kot pa lidhje që pati për skeçin që kam bërë me Stresin, por disa njerëz, disa gjëra i bëjnë edhe për vëmendje dhe për famë”- u shpreh ajo.

Në lidhje me këtë krahasim ka reaguar edhe Keisi mbrëmë, e cila në një status në Instastory shkruante:

“Është e fortë kur përpiqen të sillen sikur unë jam e parëndësishme për ta, ‘nuk e mbajnë mend emrin tim’, ndërkohë që më përmendin në çdo intervistë që kanë…

Pas atij skeçi pa lidhje, unë reagova dhe më pas e mbylla si temë, edhe pse mu kushtuan 550 Story…

Tani të mos flasim për njerëzit që kërkojnë famë kur vetë e ndërtojnë karrierën në kurriz të famës së ‘kolegëve’. Unë nuk ha bukë nga fama, nuk më hyn në punë, por ndoshta aty u djeg edhe dalin në atë përfundim.

Gjithsesi, emrin tim nuk kanë pse ta mbajnë mend apo ta përmendin, se nuk kam lidhje me njerëz të tillë!

Sot ndihem shumë e çliruar kur shoh që e bëjnë vetë të ditur që unë nuk kam lodhje me to, sepse të them të drejtën më vjen turp të shkruajë portale për mua, ku ngjitur fotos time, të jetë fotografia juaj”.

Ajo e shoqëroi postimin edhe me emojin e jashtëqitjes në formë ironie ndaj Rozës.

I pari që reagoi kundër deklaratës së Latit ishte partneri i Keisit, Arkimed Lushaj.

“Roza, si do të ndiheshe nëse të ofendoj nënën ty? S’mundem të të ofendoj të dashurin, cilin i bie të ofendoj dy-tre emra. Keisit nuk i vijnë as tek thembra vajza si ty”- shkroi ai në një status në Instastory-n e tij.