Një vajzë e re ka humbur jetën në mënyrë tragjike pasi ka rënë nga dritarja e një apartamenti teksa përpiqej të bënte një “selfie”.
Toni Kelly nga Zelanda e Re, e cila kohët e fundit ndodhej në Londër, mësohet se ka qenë pranë dritares së shtëpisë në katin e dytë, dhe ndërsa po përpiqej të bënte një foto, ka humbur kontrollin dhe është rrëzuar duke gjetur vdekjen e menjëhershme.
Miqtë dhe familjarët e saj kanë marrë përsipër një nismë për të kërkuar mbledhjen e parave për të mbuluar shpenzimet e transportit të trupit të saj për në Zelandë, ndërsa deri ditën e djeshme ishin mbledhur rreth 33 mijë dollarë.
