Ato duket sikur janë motrat më të famshme të shoubizit shqiptar, jo vetëm për shkak të aspektit profesional, pra asaj që ofrojnë në skenë, por edhe për shkak të simpatisë që i karakterizon.
Ato ngjajnë aq shumë dhe janë po aq të ndryshme në të njëjtën kohë. E vështirë do ishte të gjenim kush është më e bukura apo më e veçanta.
Motrat Vjollca kanë postuar disa herë foto nga fëmijëria dhe ajo e festivalit ku ishin të dyja konkurrente ka bërë xhiron e rrjetit.
Këtë herë ishte Jori, mbesa e tyre e madhe që zbuloi disa foto të shkrepura 10 dhe 15 vjet më parë. Marinën dhe Luanën mes të gjitha Vjollcave do t`i identifikoni lehtësisht, është e njëjta buzëqeshje dhe shkëlqim sysh.
