Kejvina Kthella është ndër personazhet më të lakuar në shtypin rozë. Edhe së fundmi modelja seksi ia ka dalë të shndërrohet në kryefjalën e mediave sociale falë postimit të fundit në Instagram. Ajo ka ndarë me fansat disa fotografi ku shfaqet e veshur me një fustan të bardhë nusërie.
Kejvina shfaqet në super formë dhe ndjekësit e kanë pëlqyer shumë. Por vëmendjen më të madhe e ka marrë mbishkrimi që ka vendosur krahas fotove.
“Martohemi bashkë???”, ka shkruar me humor Kejvina, teksa ka etiketuar edhe miliarderin e njohur, Elon Musk. Kaq ka mjaftuar që ndjekësit e saj të fillojnë të koemtojnë më ironi e batuta.
Kujtojmë se pak kohë më parë modelja i dha fund lidhjes së saj me një biznesmen shqiptar. Ajo ishte shfaqur shpesh krah tij në rrjetet sociale dhe ndonëse zgjidhte t’ja mbulonte fytyrën, modelja konfirmoi këtë histori dashurie që e jetonte mes Tiranës dhe Dubait. Por pa u mbushur viti nga postimet gjithë dashuri, edhe kësaj lidhjeje i ka ardhur fundi.
Modelja ka fshirë nga Instagrami foto me të dashurin e saj dhe ka vijuar jetën e saj mes angazhimeve si modele dhe udhëtimeve të shumta. Udhëtimi i fundit i saj në Dubai, daton në fund të vitit, kur shijoi atmosferën e festës atje. E duke e njohur natyrën e saj diskrete sa i përket jetës private, vështirë se bjondja seksi do të zgjedhë të flasë rreth kësaj çështjeje, duke mbyllur kështu në heshtje një histori, që fillimisht dukej si një dashuri e madhe mes çiftit.
