Pasi u bë aksioneri kryesor në Twitter, Elon Musk po mendon përsëri ndryshime të reja.
Këtë herë, ai ka bërë një sërë sugjerimesh për opsionin Twitter Blue. CEO i Tesla ka sugjeruar që të ketë një ulje çmimi për përdorimin e këtij opsioni.
I lançuar në qershor , Twitter Blue është shërbimi i parë i abonimit të gjigantit të mediave sociale për ata që janë të gatshëm të paguajnë për akses ekskluziv në veçori të veçanta – të tilla si një veçori “Undo Tweet” apo ikona të personalizuara të aplikacionit Twitter. Shërbimi është me pagesë, 3 dollarë në muaj.
Në një seri postimesh të bëra këtë të shtunë, Musk sugjeroi që të mos ketë reklama dhe që çmimi i abonimit të ulet.
“Të gjithë ata që regjistrohen në Tëitter Blue (dmth. paguajnë 3 dollarë/muaj) duhet të marrin një shenjë verifikimi,” shkroi ai në Twitter.
″Çmimi ndoshta duhet të jetë ~ 2$/muaj, por të paguhet 12 muaj përpara dhe llogaria nuk merr shenjë kontrolli për 60 ditë (shikoni për rimbursimet e Ç) dhe pezullohet pa rimbursim nëse përdoret për mashtrim/spam,” tha ai.
“Dhe pa reklama. Fuqia e korporatave për të diktuar politika rritet shumë nëse Tëitter varet nga paratë e reklamave për të mbijetuar,” shtoi ai.
Shërbimi Twitter Blue është i disponueshëm vetëm në SHBA, Kanada, Australi dhe Zelandën e Re.
Miliarderi Elon Musk, u emërua në bordin e drejtorëve të Twitter të martën dhe menjëherë shprehu se mezi pret të punojë me bordin për të bërë “përmirësime të rëndësishme në Twitter në muajt e ardhshëm”.
NDIQE LIVE "PANORAMA TV" © Panoramaplus.al
