Rita Ora ka ngritur dyshimet se është fejuar me të dashurin e saj, regjisorin Taika Waititi. Këngëtarja publikoi në llogarinë e saj në Instagram një foto, në të cilën tregonte dorën.
Por artistja e kishte mbuluar gishtin e unazës me një emoji, duke u munduar të fshehë unazën. Fotografia u fshi më vonë, por fansave nuk u ka shpëtuar ky detaj, shkruan “The Sun”.
Kjo ka bërë që fansat të besojnë se regjisori i ka propozuar për martesë kënëgtares shqiptare. Çifti doli publikisht bashkë në prill të këtij viti dhe në maj burimet zbuluan se ajo ishte transferuar në shtëpinë e tij në Sidnei.
Disa muaj më parë, ata u bënë titujt kryesorë të mediave për shkak të puthjes treshe me aktoren Tessa Thompson. Ata u fotografuan në një ballkon.
Një burim i afërt me çiftin tha më parë: “Taika e thërret Ritën ‘grua’ gjatë gjithë kohës dhe thotë se ai do të jetë burri i saj i parë dhe i fundit. Të gjithë e konsiderojnë këtë si një tallje dhe flirtim, por Rita padyshim që shpreson që ai ta ketë seriozisht”.
Raportohet se Rita ka diskutuar me shoqërinë e saj dhe me “shaka” u ka thënë se ajo dhe Taika do të martohen në një ceremoni të “shpejtë”, e më pas do të organizojnë një festë më të madhe.
Taika ka qenë i martuar më parë me producenten e filmave Chelsea Winstanley, por dyshja u nda në vitin 2018. Ndërkohë, Rita nuk është martuar kurrë më parë.
