Gold Ag dhe bashkëshortja e tij, Ermira Shkodra po shijojnë ndjesinë e të qenit prind që nga ardhja në jetë e Gueril.
Për familjen e reperit sot është një ditë e veçantë. Ermira feston ditëlindjen dhe Arian Agushi u kujdes t’i bënte dedikimin më të bukur.
Ai publikoi në llogarinë e tij në Instagram një foto, në të cilën dyshja shihet duke pozuar në makinë.
“Urime ditëlindjen dashuri!”, shkroi artisti krahas postimit.
Ndërkohë, në Instastory, Ariani ndau me ndjekësit e tij edhe tortën e ditëlindjes së partneres. Në të ishin tre zemra të kuqe, si një simbol i familjes së tyre që përbëhet nga tre persona, si dhe rrahje zemre për të cilat ishte përdorur ngjyra gold.
“Urime mami”, shkruhej mbi të.
Çifti u bekua me një djalë më 28 nëntor të vitit të kaluar dhe meqënëse i vogli lindi në Ditën e Pavarësisë, Ariani vendosi ta quante Gueril, që ka kuptimin e një luftëtari që sulmon armiqtë në befasi me grupe të vogla.
