Mediat turke, së fundmi kanë shkruar për aktoren dhe prezantuesen e njohur nga Kosova, Arbnora Ademaj.
Ajo po luan rolin e ambasadores së kulturës së Kosovës në Turqi, duke kontribuuar në thellimin e bashkëpunimit midis aktorëve shqiptarë dhe atyre turq.
Madje, mediat turke shkruajnë për një bashkëpunim të mundshëm të aktores Arbnora Ademaj me aktorin e njohur turk, Kenan Imirzalioglu, apo siç njihet nga publiku shqiptar me rolin e Ezelit. Aktori në fjalë nuk ka dashur të japë më shumë detaje lidhur me filmin që është duke punuar për momentin.
Aktori shumë i famshëm, Kenan Imirzalioglu, do të luajë së shpejti një serial të ri turk dhe pjesë e këtij seriali thuhet se do të jetë edhe moderatorja shqiptare, Arbnora Ademaj.
Emri i Arbnorës tashmë është bërë i famshëm në mediat turke, të cilat shkruajnë për një bashkëpunim të mundshëm të shqiptares me aktorin Kenan Imirzalioglu. /Panoramaplus.al
