Falsifikoi dokumentet për ta bërë të besueshme se Britney Spears ishte e çmendur! Ja si babai i këngëtares mori kontrollin e financave të saj

Babai i Britney Spears ka pohuar se këngëtarja 39-vjeçare është e çmendur.

Jamie Spears, 68 vjeç, tha se vajza e tij vuante nga “dementia” për të justifikuar kontrollin që ka mbi financat e saj, raporton “Daily Mail”.

Megjithatë, fansat e këngëtares thonë se nëse kjo do të ishte e vërtetë, atëherë ajo do ta kishte të pamundur të mësonte këngë dhe t’i këndonte ato.

Sjellja e Britney-t u përkeqësua për herë të parë në vitin 2007, kur ajo u nda nga Kevin Federline dhe humbi kujdestarinë e fëmijëve, Jayden dhe Sean.

Por, një dokumentar që do të transmetohet javën e ardhshme në Mbretërinë e Bashkuar, ka zbuluar se disa dokumente që e tregojnë këngëtaren si të çmendur mund të jetë arsyeja pse ajo ka jetuar nën kufizime të rrepta ligjore për 12 vjet.

Për shkak të sëmundjes së tij, financat e Spears momentalisht po menaxhohen përkohësisht nga menaxheri i saj dhe jo nga i ati. Këngëtarja do të paraqitet në gjykatë më 23 qershor.