Rrugëtimin e saj në televizion, Fjoralba Ponari e nisi duke marrë pjesë në “The Voice” për të treguar talentin që kishte në muzikë.
Ndonëse moderatorja ka studiuar për stomatologji, pasionin e saj për muzikën nuk e ka lënë pas dore.
Prej kohësh ajo ka paralajmëruar se shumë shpejt do të vijë me një projekt të ri muzikor në bashkëpunim me Mc Kreshën dhe emra shumë të njohur të fushës së muzikës, por deri më tani nuk ka sjellë asgjë.
Nisur nga kjo, ndjekësit e kanë pyetur dje se çfarë ndodhi me projektin e saj muzikor dhe Fjoralba ka dhënë një përgjigje për të gjithë.
“Këngët aty janë po presin momentin e duhur për tu publikuar. Por çdo artist (e aq më tepër një artist që lancohet për herë të parë) e di fare mirë sa me risk do ishte të sillte diçka në treg në këtë periudhë të vështirë”, shkroi këngëtarja.
Ponari është nën menaxhimin e Mc Kreshës, me të cilin ka realizuar një album.
