Fansat i shkojnë në shtëpi për ta surprizuar, Justin Bieber u kërkon të largohen, sepse… Ja videoja që u bë virale në rrjet

Një video e Justin Bieber u bë virale gjatë fundjavës, pasi ai u përball me një grup fansash që prisnin jashtë apartamentit të tij në New York.

Në videon origjinale, të postuar nga llogaria e “TikTok” në emrin @VanessaFex, Justin shihet duke ecur nga makina për në shtëpinë e tij, para se një fanse t’i kërkonte një përqafim. Ai jo vetëm që nuk pranoi, por edhe shpjegoi pse do të donte që ata të largoheshin, shkruan “Page Six”.

“Ky është vendi ku unë jetoj. Dhe unë nuk e vlerësoj faktin ju që jeni këtu. E keni parasysh kur shkoni në shtëpi në fund të natës dhe doni të relaksoheni? Kjo është hapësira ime për ta bërë këtë. Kështu që do ta vlerësoja shumë nëse mund të largoheshit,”- dëgjohet duke thënë ai.

@vanessafextb to when i met the love of my life ? @justinbieber ##nyc ##fyp ##paparazzi♬ Monster – Shawn Mendes & Justin Bieber

Kjo nuk është hera e parë që Justin shpreh bezdi ndaj fansave që zgjedhin ta presin jashtë shtëpisë së tij. Në tetor, ai postoi në Instastory për t’u bërë thirrje fansave për të njëjtën gjë.

Kohët e fundit 27-vjeçari ka qenë shumë i hapur në lidhje me hapat që ka ndërmarrë për të mbrojtur jetën e tij personale më shumë sesa në të kaluarën.

“Kam mësuar patjetër se si të kem kufij dhe thjesht nuk ndihem sikur i detyrohem askujt asgjë,”- tha Justin në mars. “Kjo më ka ndihmuar të jem në gjendje të them ‘jo’ dhe thjesht të jem i vendosur. E di që zemra ime dëshiron t’i ndihmojë njerëzit, por unë nuk mund të bëj gjithçka. Dua ndonjëherë, por thjesht nuk është e mundur.“