Kida feston sot 23-vjetorin e lindjes dhe me këtë rast, këngëtarja ka publikuar në llogarinë e saj në Instagram një foto, ku shfaqet mjaft seksi.
“1po1. Faleminderit Zot për një tjetër vit (jetë). Shumë falënderuese për secilin prej jush”, shkruante ajo krahas saj.
Përveç kësaj, “vajza e ditëlindjes” ka ndarë me të gjithë edhe dhuratat e para, tortën, si dhe pamje nga dekorimi i shtëpisë së saj.
Në fotot e publikuara në Instastory, vihet re se këngëtarja ka marrë buqeta me lule e po ashtu edhe pako të tjera, të cilat nuk i ka zbuluar.
Kida mblodhi në shtëpinë e saj të gjitha mikeshat më të ngushta për ta pritur bashkë orën 00:00.
23-vjeçarja kishte veshur një palë pantallona lëkure të zeza dhe një bluzë të shkurtër, e cila i nxirrte në pah barkun e tonifikuar dhe belin e hollë.
Ndërkohë, flokët i kishte bërë me onde dhe pamjen e kishte plotësuar me një make up profesional të thjeshtë, ku mbizotëronte natyraliteti i saj.
Këngëtarja publikoi pak kohë më parë projektin e ri muzikor, të titulluar “Edhe sa”, ku nuk shfaqet më si një vajzë e ëmbël, por si një vajzë e pavarur që rrethohet nga makina, para, apo që luan bixhoz.
NDIQE LIVE "PANORAMA TV" © Panoramaplus.al