Arsim Abduli dhe e dashura e tij janë rikthyer bashkë dhe këtë e ka konfirmuar Pranvera me anë të postimeve në llogarinë e saj në Instagram.
Ajo ndau me të gjithë ndjekësit një video të realizuar në një lokal nate, në të cilën shihet e ulur krah një mashkulli, identiteti i të cilit nuk duket. Por krahas postimit, Pranvera etiketoi ish-konkurrentin e “Për’puthen” dhe krahas saj shkroi: “Përgjithmonë”.
Mirëpo, Pranvera nuk u ndal me kaq. Ajo ngriti dyshimet se Arsimi mund ta ketë çuar në një tjetër nivel marrëdhënien me të dhe t’i ketë propozuar për martesë. Kjo sepse, Pranvera publikoi në Instastory një foto të dorës së saj mbi atë të Arsimit, në të cilën dukej një unazë në gishtin e fejesës.
Arsimi nuk ka reaguar ende pas thashethemeve se është rikthyer me 21-vjeçaren.
Disa javë më parë, Pranvera tregoi se është rikthyer në shtëpinë e Abdulit, pasi publikoi një video në të cilën shihej krah djalit të ish-konkurrentit, duke parë filma vizatimorë.
