Monika Kryemadhi është padyshim gruaja e hekurt e politikës shqiptare. Gjithnjë e drejtpërdrejtë, ajo nuk i ka kursyer sulmet për armiqtë politikë. Por, krejt ndryshe është tabloja kur flasim për llok-un e saj.
Monika Kryemadhi është një grua që përditë e më shumë përmirësohet në stilin dhe në veshjet që zgjedh si për të përditshmen, ashtu edhe në daljet e saj politike. Megjithatë kryefjala është e njëjtë, komoditeti. Në daljet e saj të fundit, kombinimi i kryetares së LSI-së ka qenë perfekt. Ndaj edhe ky “look” i saj është vetëm njëri ndër të shumtit që do të veçonim në muajt e fundit. Me ngjyrat e tokës dhe me çizmet mbi gju, duket se Kryemadhi është e përditësuar me tendencat e fundit të stinës dhe di t’i kombinojë ato më së miri.
