Rita Ora thuhet se do të martohet me Taika Waititi shumë shpejt.
Dhe duket se tashmë artistja me origjinë shqiptare ka nisur përgatitjet duke filluar nga tonifikimi i trupit për fustanin e nusërisë. 31-vjeçarja publikoi disa foto e video në Instagram duke u stërvitur në palestër.
Rita dukej e përqendruar ndërsa trajneri i saj personal Freddie Barker e filmonte këngëtaren. Krah pamjeve ajo shkroi: ‘Duke detyruar @daddyfreddystress të zmadhojë(në kamër) atë pjesë të trupit ku jam fokusuar më shumë.’
Krijuesja e shumë hiteve ndaloi për të treguar muskujt e saj në një moment ndërsa pozoi për një foto. Rita dukej mahnitëse në fotot, në të cilat beli i saj i vogël dhe busti morën vëmendjen e të gjithëve.
Mediat e huaja raportojnë se Rita dhe i dashuri i saj Taika po planifikojnë një ceremoni martese private, teksa tanimë janë fejuar. Vetë ata nuk kanë pohuar e as mohuar asgjë. Një mik i tyre i tha ‘The Sun’: ‘Ata nuk janë duke bërë një gjë të madhe spektakolare. Ata janë të dashuruar dhe vendosën se është koha e duhur për të zyrtarizuar marrëdhënien e tyre. Ata nuk mund të ishin më të lumtur.’
Dyshja janë bashkë që nga marsi i vitit 2021, pasi Rita u takua me regjisorin Taika në Australi. Taika ka qenë i martuar më parë me producenten e filmit Chelsea Winstanley, por dyshja besohet se janë ndarë në heshtje në vitin 2018. Dyshja kanë dy vajza: Te Hinekāhu, dhjetë vjeç dhe Matewa Kiritapu, gjashtë vjeç.
- LEXO EDHE: Një kthim pas/ Nga Bruno Mars dhe Rob Kardashian te Taika Waititi, lidhjet e Rita Orës ndër vite
