Aktori Romeo Veshaj u eleminua nga shtëpia e “Big Brother VIP”, pas një nominimi “kokë më kokë” me Egla Cenon, e cila u shpall fituesja e këtij reality show.
E teksa të shumtë ishin fansat dhe personazhet që u mërzitën për largimin e ish-konkurrentit nga shtëpia, pasi Ledion Liço lexoi zarfin e kuq Heidi Baçi ka shpërthyer në të qeshura.
Në një moment kamera u fokusua tek ish-banorja, e cila duke u përpjekur që veprimi i saj mos të bjerë në sy, ka vendosur të mbulojë gojën me dorë.
Të shumtë ishin komentet negative të fansave për Heidin, e cila sipas tyre është gëzuar që partneri i saj nuk fitoi çmimin e madh prej 100 mijë eurosh.
