I gjithë stafi i një kanali televiziv në Rusi dha dorëheqjen në transmetim të drejtpërdrejtë duke brohoritur “jo luftë”.
Bëhet fjalë për stafin e “TV Rain (Dozhd)”, të cilët vendosën të braktisin zyrat e punës, pas presionit të vazhdueshëm nga regjimi i Vladimir Putinit lidhur me raportimin e luftës në Ukrainë.
Natalia Sindeyeva, një nga themelueset e kanalit, i tha “Jo luftës” në transmetimin e fundit televiziv ndërsa punonjësit largoheshin nga studioja. Kanali më vonë tha në një deklaratë se e ka pezulluar operacionin “për një kohë të pacaktuar”.
Rregullatori rus për telekomunikiacion tashmë ka bllokuar televizionin Rain, duke e kërcënuar dhe akuzuar për “nxitje ekstremizmi, keqpërdorimin e qytetarëve rusë si dhe nxitje të prishjes së rendit dhe qetësisë dhe organizimin e protestive”.
Sot televizioni Rain transmetoi emisionin e fundit në internet. Pasi i gjithë stafi u larguan, filloi transmetimi i videos së baletit “Liqeni i Mjellmave”, e cila u shfaq në kanalet televizive shtetërore në Rusi kur u shemb Bashkimi Sovjetik në vitin 1991.
Videoja tani është bërë virale në mediat sociale.
‘’Ekho Moskvy (Echo of Moscow)”, një media tjetër në Rusi, është shpërbërë gjithashtupasi u vu nën presion për mbulimin e luftës në Ukrainë, tha redaktori i tij të enjten.
Stacioni radiofonik ka shfaqur intervista me gazetarë ukrainas, të cilët përshkruan tmerret e pushtimit rus, një vendim që sipas Neë York Times, mund të kishte kaluar kufirin.
Megjithatë, kryeredaktori Alexei Venediktov i tha “Reuters” këtë javë se stacioni nuk do të braktiste linjën e pavarur editoriale që ka qenë shenjë dalluese e tij për tre dekada, duke deklaruar: “Politikat tona editoriale nuk do të ndryshojnë”.
NDIQE LIVE "PANORAMA TV" © Panoramaplus.al
