Moderatori Alban Dudushi është distancuar prej disa kohësh nga vëmendja mediatike. Ishim mësuar ta shikonim prezantuesin në një emision që trajtonte tema sociale dhe kulturore në “Top Show Magazine”, por tashmë Albani i ka hyrë botës së politikës, ku ka marrë në drejtim dhe një emision të tillë në “Vizion Plus”.
E teksa për hir të detyrës së tij, shumicën e kohës i duhet të jetë formal në veshje, kur është jashtë kamerave, komplet tjetër është stili i tij. Shpesh herë e kemi parë në rrjetet sociale, ku kryesisht poston me familje. Veshjet e tij janë sportive, duke u identifikuar me këtë stil. Këtë herë paparaci ynë ka mundur ta fotografojë në një ditë të zakonshme në një nga baret e Tiranës.
Temperaturat e larta kanë bërë që edhe Dudushi të zgjedhë një birrë për t’u freskuar. Ashtu si duket edhe në foto, moderatori është nën shoqërinë e një miku të tij, teksa ka zgjedhur të pijë një birrë. Nga ana tjetër, ai nuk e lëshon nga dora puron, duke e shoqëruar birrën. I veshur me ngjyra të celëta dhe krejt i përqëndruar në bisedë me mikun e tij, Dudushi zgjedh t’i kalojë kështu këto ditë të nxehta vere.
Edhe ai, si një pjesë e mirë e kolegëve, po përgatitet për sezonin e ri televiziv, që nis në shtator, ndaj edhe me gjasa këto janë ditët e fundit që kalon në Tiranë, para nisjes së pushimeve verore.
