Elisa Spiropali njihet si një ndër ministret që më së shumti merr fjalën në Parlament. Shpeshherë, ka qenë pikërisht ajo që i është përgjigjur akuzave të opozitës, duke folur kështu në emër të qeverisë.
E duket se deklaratat shpesh herë të ashpra, i kanë “kushtuar” disa miqësi Spiropalit. Paparaci ynë ka mundur ti shkrepë një foto, teksa ajo ngjit shkallët e Parlamentit, krejt e vetme.
Në hyrje të sallës, kanë qenë pikërisht kolegët e saj nga opozita, me të cilët nuk ka shkëmbyer as edhe një buzëqeshje e jo më përshëndetje.
Tritan Shehu dhe Albana Vokshi kanë qenë nën shoqërinë e njëri-tjetrit, teksa ministrja është afruar pranë tyre.
Ndonëse dy opozitarët e kanë shoqëruar me sy, përshëndetja ka munguar nga të gjitha palët. Është kjo padyshim tabloja që tregon më së miri raportet mes eksponentëve të opozitës dhe pozitës.
