Eventet ku ajo merr pjesë janë gjithnjë të përzgjedhura, ndaj edhe të rralla kanë qenë rastet, ku kemi pasur mundësi të shohim në festa, Inva Mulën. Por, kur Enrique Iglesias vjen në Tiranë, soprano me famë botërore nuk mund të mungojë.
Vetëm se këtë herë, veç miqve të shumtë që e shoqërojnë gjithnjë, nuk mungon as vajza e saj, Nina. Tashmë vogëlushja 12 vjeçare është rritur mjaftueshëm sa për të shoqëruar të ëmën në evente të tilla. Paparaci ynë i ka fotografuar të dyja, teksa si duket edhe nga fotot, e kanë shijuar pafund koncertin.
Nina dhe Inva nuk i kanë kursyer edhe videot e fotot së bashku, teksa kërcenin. Me gjasa, Nina është një fanse e Enriques, ndaj edhe nuk kishte sesi të mungonte në këtë event. E ku ka më mirë se mamaja e saj për ta shoqëruar në këtë festë. Bashkë me të dyja kanë qenë edhe shumë miq e kolegë që i kanë shoqëruar, ku një ndër to ka qenë edhe këngëtarja Çiljeta Xhilaga, që e ka shijuar mbrëmjen nën shoqërinë e miqve.
