Monika Lubonja që pas përfundimit të “Big Brother” ka folur shpesh me jetën e saj personale. Aktorja ka deklaruar se është “single”, duke u shprehur shpesh se është në kërkim të një partneri. Që pas përfundimit të “Big Brother”, gjithnjë e më të rralla kanë qenë daljet e saj në publik, duke preferuar të ruajë disi intimitetin e saj.
E këto foto, na sjellin Monikën në të përditshmen e saj, ku çuditerisht shfaqet në krah të një mashkulli. Paparaci ynë ka mundur ta fotografojë në një nga baret e Tiranës, teksa shoqërohet nga një mashkull i panjohur për publikun. Nuk e dimë nëse është një mik, apo i njohur i Monikës, apo zotëria në fjalë është partneri i ri i saj. Vetëm pak kohë më parë, ajo u shpreh rreth jetës së saj private, por edhe rreth rritjes së vajzës së saj.
“Unë doja ta rrisja Tean, njësoj si më rritën mua dy prindërit e mi, të lirë, pa paragjykime. Tea është nga ato vajza që sot, ajo kërkon që unë të jetoj. Domethënë ‘më ke rritur shumë mirë, më ke dhënë edukatë shumë të mirë, jam shkolluar vetë’. Është shkolluar vetë me forcat e veta, ka ikur nga Shqipëria që në moshën 19 vjeç, sot ka arritur atje ku është, por gjithmonë edhe kur ishte në gjimnaz, i rija si ato mamat mbrapa pemës, i thosha shiko jetën tënde dhe lere jetën time. Mos u kufizo dhe gjej një njeri që të të dojë ty dhe kjo është lumturia ime më e madhe, sepse duke të të dashur ty, unë jam kaq e ngopur nga jeta dhe do vazhdojmë një jetë të gjithë së bashku”.
Ish-banorja e “BBVIP” u shpreh se ajo e ka lënë vajzën e saj të jetoj e lirë. Monika zbuloi se jeton me të ëmën e saj dhe tregoi se ajo i thotë të mos kthehet vonë pasi e shikojnë komshinjtë teksa theksoi se kjo gjë është diçka që mosha e tretë nuk e koncepton dot.
“Unë ngaqë isha me nënën, e lashë vajzën pastaj që 23 vjeçe. I thashë ‘dil në jetë dhe jeto jetën tënde’. Unë e kam jetuar jetën në formën më të mirë timen. Rikthimi te prindërit sot? Them se është nevojë, sepse mendoj që çdo i ri, sidomos pasi mbaron një shkollë të lartë, e ka të padiskutueshëm që duhet të jetojë vetëm dhe sot është mundësia. Prindërit ne i duam, i kemi pranë gjithmonë, por në fund të ditës, mua edhe sot, mami më thotë: Pse vjen kaq vonë, të shikojnë komshinjtë… te brezi i tretë vazhdon të jetë kjo dhe ata nuk duan ta besojnë këtë gjë që te fëmija i tyre të thuhet diçka. Të rinjtë e brezit sot duhet ta nisin këtë gjë vetëm”, tha aktorja.
Monika Lubonja e ftuar “Në kurthin e Piter Pan” është gjetur para pyetjeve pikante nga fëmijët. Një prej tyre e ka pyetur rreth jetës personale se kur do të ndryshonte status aktorja, atë të martesës, aktorja nuk ka nguruar të përgjigjet. “Ti ke bërë gjithë këto gjëra, në televizor, në film, në teatër. Po për të martuar, ke vendosur kur do martohesh?”, pyeti Noeli.
Me humor Monika tha se deri më tani ka pritur princin, por nuk ka ardhur dhe se tashmë është në pritje të mbretit. Pa tabu, aktorja ka folur edhe për periudhë pas divorcit të saj. “Kur ti lufton për atë gjë shumë, kur ke dhënë maksimumin e asaj gjësë, nganjëherë të dhemb kur në një moment nuk je pjesë e saj për tekat e drejtorëve.
Unë kam vuajtur në teatër, edhe pas divorcit me bashkëshortin tim, jam divorcuar në moshën 28-29 vjeç, unë u ktheva në një grua që më duhej të luftoja për veten dhe vajzën time. Diçka donin të gllabëronin nga Monika, por Monika nuk pranoi asnjëherë. Të shikonin si një mënyrë… që pse jo ne jemi gati për një rol ta marrësh por në këmbim…”, u shpreh aktorja.
