Sezoni i ri televiziv ka nisur vrullshëm, ku të shumtë janë ish-banorët e “Big Brother”, që kanë tashmë një hapësirë tjetër mediatike. Por duket se ky nuk është rasti i Monikës. Ndonëse aktorja haptas e kishte kërkuar, ajo duket se nuk ka një ftesë as për emisione të tjera në programacionet. Kështu duket se aktorja e njohur ka më shumë kohë të lirë të mbyllë angazhimet e saj.
Paparaci ynë ka mundur ta fotografojë në Bllok. E veshur me të zeza dhe me syze dielli, Monika Lubonja është parë pranë një banke, ku si çdo klient tjetër ka mbajtur radhë për të mbaruar punët e saj.
Tashmë e njohur për ironitë e saj në “Instagram”, duket se edhe ditët e fundit Monika nuk i ka kursyer ironitë. Teksa po shijonte kafen, Monika Lubonja nuk ka hezituar të hedhë disa kunja në rrjetet sociale. Në një video në “Instastory”, aktorja duket indiferente teksa shprehet: “Flisni, flisni. Ju flisni unë po vazhdoj të pi kafen”.
Është e qartë që është një thumb, ndonëse nuk dihet se me kë e ka konkretisht Monika. Më herët kujtojmë që në një ‘ask me a question’ që Monika realizoi në rrjetet sociale, iu përgjigj me nota ironie pyetjeve që kishin të bënin me Ilir Shaqirin. Një ndjekës e pyeti aktoren se kush mendonte se e ka bërë të famshme, ‘BBVIP’ apo teatri. Ajo ‘ironizoi’ duke u përgjigjur se ka qenë ‘Iliri’ duke i bashkangjitur dhe disa emoji duke qeshur.
E pyetur nëse ishte penduar për shoqërinë e saj me balerinin, ajo dha një përgjigje të prerë: “S’e di! Fol me Sabianin”. Ndërsa një tjetër shkruante se lart e poshtë kanë qarkulluar dhe fjalë që Iliri mund të ketë pasur një marrëdhënie me Monikën.
Ndjekësi e pyeti Monikën nëse kjo gjë është e vërtetë. “Akoma?? As akoma, as ende, asnjëherë”, u përgjigj e habitur aktorja, e cila, me sa duket, nuk e priste një pyetje të tillë.
Ndërkohë, nuk mungoi as reagimi i Ilirit. Balerini u kundërpërgjigj me një foto në “Instastory”, krahas së cilës shkruante: “I qan shpirti kësaj bananes për pak pleh Iliri”, referuar kështu Monika Lubonjës, e cila shpesh në shtëpinë e BBV u bë virale për batutat e saj me bananet.
