Që pas përfundimit të Big Brother, Arbana Osmani ka pasur më shumë kohë të lirë, për të shijuar ditët mes familjes, por edhe pushimeve pas dasmës hermetike në Toskana në Itali, ajo është rikthyer për disa ditë në Tiranë, ku natyrisht nuk kishte sesi mos të mungonte tek koncerti i Enrique Iglesias.
E si gjithnjë, ajo shoqërohej nga mikesha e ngushtë, moderatorja, Xhemi Shehu. Dy vajzat e ekranit e kanë shijuar mbrëmjen mes muzikës dhe kërcimit, duke mos u shqetësuar shumë për sytë e kureshtarëve. Por, paparaci ynë ka mundur ti shkëpusë, një moment që duket se Arbana nuk e ka pasur edhe shumë mendjen tek koncerti, por tek telefoni i saj.
Teksa ka qenë duke u marrë me telefonin, Xhemi Shehu i ka hedhur një sy asaj që mikesha e saj ka qenë duke bërë. Natyrisht, që ky vështrim mbi telefonin e Arbanës, është krejtësisht i pafajshëm, ndonëse poza ka shkrepur pikërisht këtë moment, ku Xhemi gati-gati fshehurazi kthen shikimin nga ajo çfarë Arbana ka qenë duke bërë. Megjithatë, e gjithë situata do të ishte një “meme” perfekte.
