Autoriteti i Mediave Audiovizive ka vendosur të jetë në bashkëpunim me platformën TikTok, për të ndalur kështu çdo përmbajtje që përmban gjuhë urrejtje, nxit dhunën të çfarëdolloj forme dhe shkel të drejtat e komuniteteve e të fëmijëve.
Lajmi është bvërë i ditur nga vetë kryetarja e AMA-s, Armela Krasniqi, përmes një postimi në rrjetet e saj sociale.
Ajo ka sqaruar se është hapur një llogari në TikTok, në emër të autoritetit, në të cilën do të hidhen përmbajtjet e verifikuara nga ekipet e AMA-s si të dëmshme. Këto më pas do të ndiqen zyrtarisht nga TikTok për masa të mëtejshme.
Në faqen zyrtare të AMA-s gjendet linku përmes së cilit të gjithë ne mund të raportojmë përmbajtjet e dëmshme.
LINKU:
https://ama.gov.al/denonco-shkelje-per-tiktok/
Krasniqi është shprehur se bashkërregullimi është formula e gjithëpranuar për një treg mediatik të dobishëm për të gjithë, e se të gjithë mund të bëhen pjesë e këtij procesi transformues.
NDIQE LIVE "PANORAMA TV" © Panoramaplus.al
View this post on Instagram
