Të marrësh vendimin për t’u martuar nuk është një hap i lehtë dhe shpesh shoqërohet me shumë stres, por jo për të gjithë.
Gazetarja Elona Duro ka treguar teksa ishte e ftuar tek “Rudina” se çdo gjë në jetën e saj ka ardhur shumë spontane, edhe lidhja me bashkëshortin, bashkëjetesa dhe martesa.
Madje, ndryshe nga ç’ndodh zakonisht, propozimin për martesë ka qenë ajo që ia ka bërë partnerit të saj, gjatë pushimeve në jug të Shqipërisë.
“Në jetën time kam ecur pa plane, pra të vijë si të vijë dhe ashtu erdhi. Unë ditën që kam njohur Lorencin, atë ditë një vit më vonë kam filluar bashkëjetesën dhe shumë pak kohë erdhi dhe martesa.
Në një shezlong, në jug të Shqipërisë, i thashë a do bëjmë një dasmë këtë verë? Isha unë ajo që e bëra këtë pyetje, ndërkohë që isha e rrethuar nga shoqe që prisnin propozimin në gjunjë me të gjitha romanticizmat e mundshëm.
Erdhi aq rrjedhshëm, aq natyrshëm… Kishim në plan të bënim diçka në bashki. Unë isha shtatzënë, 4-muajshe. E kishim diskutuar që do shkonim në bashki për të firmosur, por motra më tha ‘e kam parasysh si do shkosh tek zyra bashkiake me atlete dhe tuta, të lutem ngjitu në taracën e bashkisë dhe bëj diçka’.
Ka qenë shumë pa shpenzim dhe është një nga kujtimet më të bukura. Sot teksa vija tek ti, i thashë ‘po të më pyesë Rudina se cili është suksesi i martesës sonë, çfarë t’i them?’. ‘Po thjesht fakti’,- tha, ‘që t’i nuk më bezdis dhe nuk më çan kokën, mendoj që gjërat shkojnë shumë mire’”,- rrëfeu Elona Duro.
Çifti janë prindër të një djali, të cilin e kanë pagëzuar me emrin Tomas.
NDIQE LIVE "PANORAMA TV" © Panoramaplus.al