Motra e Johnny Depp , Christi Dembrowski ishte pjesë e gjyqit të zhvilluar pas padisë së aktorit për shpifje kundër ish-bashkëshortes së tij Amber Heard.
Gjatë dëshmisë së saj, Christi pretendoi se ajo dhe vëllai i saj ishin abuzuar nga nëna e tyre Betty Sue Palmer gjatë fëmijërisë së tyre.
“Ne iknim dhe fshiheshim”, kujton ajo kur pa nënën e saj duke ushtruar dhunuë fizike ndaj babait të tyre, për të cilin tha se nuk reagonte. Christi gjithashtu shtoi, “Ajo na godiste. Ajo hidhte gjërat.”
Kur u pyet nëse Johnny u hakmor ndonjëherë kundër abuzimit, motra e tij tha jo, “Ai nuk shkoi kurrë në atë vend”.
“Me të vërtetë herët si një fëmijë i vogël,” tha ajo, “asgjë nga ajo që po ndodhte në shtëpinë tonë nuk u ndje mirë. Dhe kështu, ndërsa u rritëm, si Johnny dhe unë në fakt, vendosëm që të largoheshim, pasi të kishim shtëpinë tonë dhe thamë se nuk do të kishim për të përsëritur kurrë, në asnjë mënyrë, diçka të ngjashme me fëmijërinë tonë. Do ta bënim ndryshe.”
Christi vazhdoi duke thënë se Betty “u zbut” pasi ata u larguan. Ajo u nda nga jeta në maj të vitit 2016 në moshën 81-vjeçare, disa ditë para se Amber të bënte kërkesë për divorc nga Johnny.
Brenda betejës ligjore të Johnny Depp dhe Amber Heard
Heard nga ana e saj e ka paditur aktorin me një kundërpadi prej 100 milionë dollarësh.
Camille Vasquez, një avokate e Depp, u tha juristëve se Heard kishte qenë agresorja më e madhe gjatë gjithë marrëdhënies.
“Ajo e qortonte, i bërtiste. Ai thjesht tërhiqej,” tha zonja Vasquez. “Heard sajoi një rol për vete si viktimë,” vazhdoi ajo, “pasi Depp i kishte kërkuar divorcin në përpjekje për të “shmangur poshtërimin”.
“Ajo është e fiksuar pas imazhit të saj publik”, tha ajo. “Ajo prej vitesh jeton dhe merr frymë këtë rol dhe po përgatitet të japë performancën e jetës së saj”.
Nga ana tjetër, avokatët e Heard pretenduan se aktorja kishte duruar ngacmime emocionale, verbale dhe fizike nga duart e Depp.
Depp dëshiron ta “përndjekë atë, për të shkatërruar karrierën e saj”, tha avokati Ben Rottenborn.
Gjyqi do të transmetohet drejtpërdrejt dhe përfshin një numër dëshmitarësh të profilit të lartë.
Mes tyre do të jenë Elon Musk dhe James Franco, të cilët do të shfaqen në emër të Heard, dhe aktori britanik Paul Bettany, i cili do të marrë qëndrimin për mikun e tij Depp.
NDIQE LIVE "PANORAMA TV" © Panoramaplus.al
