Kohët e fundit, Devon Gallagher bëri një udhëtim në të gjithë Evropën. Ashtu si shumë udhëtarë të rinj, ajo dokumentoi pushimet e saj me anë të fotografive, por në një mënyrë tjetër. “Daily Mail” ka mbledhur fotot e udhëtimeve të saj në instagramin personal, duke e bërë një dëshmi konkrete të të shijuarit të jetës edhe pse e kufizuar me një protezë.
Ndryshe nga të tjerë, fotografitë e saj janë unike, me çdo emër qyteti ku ka qenë mbishkruar në protezë. Kur vajza në fjalë ishte fëmijë, kishte një sëmundje të kockave, dhe kjo gjë bëri që këmba e saj t’i pritej dhe tani ajo mban një këmbë protezë. Megjithëse ky kusht ndonjëherë ia ka vështirësuar punët, ajo ka dhënë maksimumin, siç është e dukshme edhe në fotografitë e mëposhtme.
Për udhëtimin e saj të madh, ajo përdori ngjyra në këmbën e saj artificiale, duke e transformuar atë në një dërrasë dhe papritur duke e bërë atë shoqërim të përsosur për fotografi.
Përgatiti O.T/ Revista Psikologjia/
