Hoqi dorë përfundimisht nga muzika, Zanfina Ismaili zbulon profesionin e saj të ri

Zanfina Ismaili zbuloi pak kohë më parë se mungesa e saj në muzikë prej tre vitesh, ka ndodhur për shkak se ajo ka hequr dorë përfundimisht nga kjo fushë.

E ftuar në emisionin e motrës së saj, Adelina Ismailit, ajo zbuloi se aktualisht po punon në dy profesione të reja, por nuk zbuloi se për çfarë bëhej fjalë.

Sipas “Prive”, Ismaili ka zgjedhur të bëhet pjesë e botës së medias, ashtu si motra e saj, Adelina.

Por ndryshe nga ajo, Zanfina ka zgjedhur të jetë pak më “e fshehtë”.

Ajo do të punojë në një radio në Prishtinë, por nuk ka asnjë informacion tjetër përtej kësaj.

Më herët, ajo tregoi se është lodhur shumë për shkak të profesionit si këngëtare dhe nga stresi që i shkaktohej nga kjo gjë.