Një tjetër aktore e famshme e Hollywood-it ka humbur jetën.
Sipas “TMZ”, Jessica Campbell ka ndërruar jetë në moshën 38 vjeçare. Sipas kësaj medieje, aktorja ka humbur jetën në Portland, më 29 dhjetor.
Jessica Campbell u bë e njohur nga roli që luajti në “Election” në vitin 1999.
E ndjera ka lënë pas djalin 10-vjeçar, Oliver, teksa njerëzit pranë saj kanë deklaruar se humbja ishte e papritur.
Lajmin e ka konfirmuar kushërira e Campbell, Sarah Wessling, në një faqe ‘GoFundMe’. Shkaku i vdekjes së Jessica nuk është zbuluar akoma, por Wessling i tha “TMZ” se familja e saj po pret rezultate nga “Zyra e Qarkut Multnomah” në Oregon.
Në një intervistë me “TMZ”, Wessling tha se Campbell, e cila u bë një mjeke naturopatike pas tërheqjes nga kinematografia dhe TV, kishte kaluar një ditë tipike para se të vdiste, duke punuar me pacientët në klinikën e saj dhe më pas kishte shkuar në shtëpi për të parë nënën dhe tezen.
Wessling tha se në një moment Campbell hyri në një banjë dhe nuk doli e gjallë prej andej, pasi familjarët e gjetën pa shenja jete.
“TMZ” deklaroi se tezja dhe ndihmësmjekët e thirrur u përpoqën ta shpëtonin por fatkeqësisht nuk ia dolën. Megjithatë, nuk përjashtohet mundësia që ajo të ketë qenë e infektuar me Covid-19 pasi para se të mbyllte sytë, ka thënë se i duket sikur është ftohur.
Ajo po ashtu u shfaq edhe në seri të tjera përfshirë, “Freaks and Geeks”, “The Safety of Objects”, “Junk”, etj.
NDIQE LIVE "PANORAMA TV" © Panoramaplus.al