Një burrë nga Teksasi i Veriut i bleu një kitarë Taylor Swift, të firmosur në ankand dhe më pas e shkatërroi atë, me sa duket në protestë politike për mbështetjen e këngëtares për nënpresidenten amerikane dhe kandidate presidenciale Kamala Harris.
Sipas “WFAA Neës,” burri e bleu kitarën për 4,000 dollarë gjatë një ankandi të mbajtur nga organizata jofitimprurëse Ellis County Wild Game Dinner në Ëaxahachie.
Videoja e incidentit, e cila është bërë virale, tregon se burri i afrohet kitarës dhe e godet atë me një çekiç.
Një zëdhënës i “Ellis County Wild Game” i tha “WFAA “se veprimi i burrit nuk ishte me qëllim të keq.
Ai sapo bëri një deklaratë të butë që tregoi mosmiratimin e njerëzve ndaj industrisë së argëtimit duke u përpjekur të ndikojë në politikë.”
“Ishte thjesht një gjë qesharake që ndodhi në ngjarjen tonë vjetore”shtoi zëdhënësi i agjencisë. “E rëndësishmja, 100% e parave të mbledhura shkojnë drejtpërdrejt në programet lokale të trajnimit të të rinjve dhe programet e edukimit rural. Në fund të ditës, fëmijët fitojnë dhe do të përfitojnë prej saj”, theksoi ai.
Mediat amerikane po komentojnë se nuk është e qartë nëse kjo është ajo që ka dashur të thotë ish-presidenti amerikan Donald Trump, i cili kandidon për një mandat të ri në Shtëpinë e Bardhë, kur paralajmëroi se Taylor Swift do të paguante një çmim për mbështetjen e saj ndaj Kamala Harris.
NDIQE LIVE "PANORAMA TV" © Panoramaplus.alMan smashes signed Taylor Swift guitar after buying it for $4,000 at auction. pic.twitter.com/1mzVv5yt4v
— Pop Base (@PopBase) September 30, 2024
