Graham Tinsley, një ish-kuzhinier mbretëror dhe menaxher i Ekipit Kulinar të Uellsit, ka treguar disa nga veçoritë dhe protokollet që lidhen me ushqimin që përgatitet për familjen mbretërore ku ai ka punuar.
Ushqimi i Mbretëreshës duhet të kalojë përmes një makinerie me rreze X përpara se t’i shërbehet Madhërisë së Saj, tregoi Graham Tinsley. Ai shtoi se kur kujdesej për angazhimet mbretërore në Uells, ngrihej një kuzhinë në mjediset e Cardiff ose Kështjellës Caerphilly, më pas ushqimi transferohej në banket në këmbë.
“Për bankete të kalibrit më të lartë, neve na kërkohet të vendosim të gjithë ushqimin tonë, kontejnerët, thikat dhe pajisjet e kuzhinës përmes një makinerie me rreze X, ndërsa motoçikletat më pas na fusin në kështjellë.”, tha ai për “Hello”.
Shefi i kuzhinës zbuloi gjithashtu se nëse ata ishin duke gatuar për një banket të krerëve të shteteve, “i gjithë stafi i hotelierisë duhet të takohet në një stacion policie dhe të hipë me motor deri në Kalanë e Cardiff”.
Megjithatë, ai shtoi se masat ekstreme ishin vendosur vetëm kur krerët e shteteve ishin të pranishëm, përndryshe rregullat ishin shumë më të relaksuara.
“Nëse do të gatuanim vetëm për familjen mbretërore, nuk ishim gjithmonë të vetëdijshëm për sigurinë. Ndryshonte vetëm nëse do të vinin krerët e shteteve, dhe atëherë siguria do të ishte vërtet shumë e rreptë.”, tha ai.
NDIQE LIVE "PANORAMA TV" © Panoramaplus.al
