U kalua me mjaft bujë fakti se Linda Rei vendosi të lërë përgjysmë konkurimin e saj në spektaklin e kërcimit ‘Dance with me’.
U përfolën një sërë arsyesh për këtë largim të sajin, që nga fakti i një lloj presioni publik nga paragjykimet e deri tek pakënaqësitë e vetë konkurentes në raport me produksionin.
Por tashmë që vala e bujës ka kaluar, produksionit i është dashur të gjejë zëvendësues e duket se ka arritur që për një kohë të shkurtër të formojë një çift simpatik. Kujtojmë se Linda garonte e vetme, pasi sipas saj asnjë emër nuk i ishte dukur i denjë sa ta pranonte si çift në kërcim.
‘Express’ shkruan se sot në mbrëmje do të mund të shohim Aurela Hoxhën krahë aktorit të njohur Mehdi Malkaj i cili është një personalitet kinematografik shumë i dashur i publikut shqiptar.
NDIQE LIVE "PANORAMA TV" © Panoramaplus.al