Jack Harlow nuk po kërkonte të bënte asnjë foto me asnjë vajzë në ‘Billboard Music Awards’.
Artisti i “First Class” foli për ET në tapetin e kuq në ‘MGM Grand Garden Arena’ në Las Vegas dhe tha se ai thjesht është i qetësuar dhe po shijon shkëlqimin e tij para shfaqjes. Reperi i cili u shpall fituesi në kategorinë e ‘Këngës Më Të Mirë Rap’, së bashku me Lil Nas X, për këngën e tyre “Industry Baby”, foli gjithashtu për flirtet e tij me Doja Cat në një ‘Instagram Live’ në 2020.
“Unë jam bërë i mirë me Dojën. (Deklarata) Ishte në fillim të miqësisë sonë, tani ne e njohim njëri-tjetrin mjaft mirë. Kështu që nuk do të bëj asgjë budallallëk,” tha Harlow, në lidhje me takimin me Dojën në shfaqjen e mbushur me yje. “Do rri urtë sot.” Kur u pyet nëse ka ndonjë yll të talentuar që ai është i interesuar të takojë në shfaqje, Harlow tha me shaka: “Ka gjithmonë një dashuri të re, por unë do të qetësohem sot”.
Dy vite më parë Jack dhe Doja realizuan një Live në Instagram gjatë të cilit reperi i shprehu gjithë dashurinë duke thënë: “Të dua. Të kam patur gjithmonë fiksim”. Mirëpo, Doja e ndërpreu videon duke thënë se po i binte parukja që kishte vendosur dhe duhet të ikte.
Mbrëmjen e djeshme as ajo nuk i ka shpëtuar pyetjeve rreth kësaj situate duke u shprehur: “Kjo ndodhi dy vite më parë. Parukja po më binte dhe e vura re. Prandaj ika nuk e bëra me qëllim absolutisht.”
View this post on Instagram
NDIQE LIVE "PANORAMA TV" © Panoramaplus.al
