Chiara Ferrani së fundmi ndodhet në Greqi për arsye biznesi. Blogerja e njohur italiane është pritur nga kamera e “Happy Day” me të mbërritur në aeroportin “Eleftherios Venizelos”.
37-vjeçarja ka bërë disa deklarata për Greqinë, të cilën e preferon shpesh për pushimet verore.
“ Jam mirë, do të qëndrojmë dy ditë. Më pëlqen ushqimi, njerëzit, ishujt, deti. Më pëlqen kultura greke. Sallata e fshatit është ushqimi im i preferuar grek. Unë e di fjalën ‘të lutem’ në greqisht ”, tha Chiara.
Për linjën e re të make-up-it që po lançon, ajo tha: “Jam shumë e emocionuar dhe e bekuar që jam këtu”.
Në një këshillë bukurie që do të jepte, Chiara shtoi: “ Përpiquni të gjeni produktin që funksionon për ju, në vend që të përdorni shumë produkte. Mundohem të fle shumë dhe të pi sa më shumë ujë”.
E pyetur se çfarë nuk i mungon asnjëherë çantës së saj, modelja është përgjigjur: “ Buzëkuqi dhe rimeli nuk mungojnë kurrë në çantën time”.
Më pas, ajo iu referua pushimeve që ka bërë në Greqi: “I dua ishujt grekë. Unë kam qenë në shumë dhe kam kaluar një kohë të mirë me fëmijët e mi në Mykonos dhe Paros. Fëmijët e mi nuk kanë ardhur me mua në Greqi, sepse do të qëndrojmë vetëm dy ditë për punë” .
Në fund, e pyetur nëse është gati për një dashuri të re, Ferrani është përgjigjur: “Jam gati”.
