Bebe Rexha është një ndër ata personazhë të famshëm që nuk e ka aspak kompleks të dalë para fansave të saj natyrale.
Herë pas here ajo ka ndarë me të gjithë ndjekësit edhe pamje të strijave, duke treguar se si duket në të vërtetë trupi i saj, pavarësisht paragjykimeve.
Mirëpo, ditën e djeshme, këngëtarja shqiptare me famë botërore, vendosi që të ndante një video, në të cilën shihej pa grim dhe pa asnjë lloj filtri, apo photoshop-i.
“Jam shumë e lodhur nga photoshop-i”, shkroi artistja krahas postimit.
Bebe shihej me rrathë të zinj poshtë syve, ashtu sikurse me një bark të fryrë, por dukej mjaft e lirshme dhe rehat me veten e saj.
Vetëm pak ditë më parë, këngëtarja foli për format e saj trupore të bollshme.
Rexha tregoi se edhe ajo dikur donte të dukej si personazhe të Hollywood-it. Ajo ushqehet shëndetshëm, pi shumë ujë, stërvitet dhe bën më të mirën e saj, por shtoi se ka vendosur të ndjekë ritmin e trupit të saj, duke treguar gjithmonë dashuri për të.
