Jennifer Lopez bën gjestin e veçantë, dhuron sendet e saj personale për njerëzit e prekur nga zjarri në Los Angeles

Jennifer Lopez ka dhuruar sendet e saj për të ndihmuar të prekurit nga zjarret shkatërruese në Los Angeles.

Këngëtarja ka dhuruar sende nga dollapi i saj, ka deklaruar në shoqe e ngushtë e saj për PageSix.

“Ajo bën gjithçka që mundet për të ndihmuar. Ajo ka dhuruar sende të panumërta.”

Mesa kuptohet nga burimi, Jennifer i ka sistemuar të prekurit me veshmbathje, përfshirë këtu këpucë, xhaketa, bluza madje dhe rroba për fëmijë.

Ndër të tjera burimi ka shtuar se Jennifer po shpreson t’i ndihmojë sadopak këto familje dhe po bën gjithçka që mundet t’u zëvendësoj ato që humbën nga zjarret.

“Jennifer po bën gjithçka që mundet për të ndihmuar ata që kanë nevojë të zëvendësojnë gjithçka që humbën nga zjarret. Ajo gjithashtu u dërgoi atyre dhjetëra pako nga linja e saj e produkteve të kujdesit të lëkurës, të tilla si hidratues dhe pastrues,” tha burimi.