Nëse thënia “pa dhimbje nuk ka fitim” është e vërtetë, atëherë Jonathan Majors duhet të marrë një shpërblim të majmë shumë shpejt.
Aktori, 32 vjeç, foli për xhirimet e ‘Creed 3’ ku luan krah Michael B. Jordan në një intervistë për Variety dhe zbuloi se ai kishte marrë jo pak grushta gjatë xhirimeve. Ai tregoi se nuk pësoi asnjë lëndim ndërsa xhironte për filmin e ardhshëm, por u godit me grusht në fytyrë rreth 100 herë.
Ylli i ‘Lovecraft County’ zbuloi gjithashtu se ai kaloi më shumë se një vit duke u përgatitur për rolin. Veç kësaj, duart e aktorit janë bërë aq të mëdha sa nuk ka vendosur asnjë fasho për festën e ‘Chanel’ para Oscars. “Me kalimin e kohës, ato thjesht u bënë gjithnjë e më të mëdha”, tha ai.
Aktori i “The Last Black Man in San Francisco” u pa së fundmi gjatë xhirimeve ‘duke punuar në plazhin’ e Venice, ndërsa aktori i ‘Black Panther’ e udhëhiqte atë. Ai u pa pa bluzë duke nxjerrë në pah trupin për tu patur zili. Ai kreu një sërë ushtrimesh duke përfshirë tërheqje në një shufër metalike të hollë, ngjitje me litarë dhe vrapim nëpër rërë me një parashutë të ngjitur në shpinë për më shumë rezistencë.
Majors do të luajë Anderson Dame në film, një armik i Adonis Creed. Në film do të luajnë gjithashtu aktorja e ‘Ragnarok’ Tessa Thompson, ylli i “The Cosby Show” Phylicia Rashad dhe aktori i ‘The Wire’ Wood Harris. Creed III do të jetë pjesa e nëntë dhe e para pa Sylvester Stallone, i cili shkroi skenarin për filmin origjinal dhe luajti personazhin titullar për më shumë se 40 vjet. Stallone do të vazhdojë të shërbejë si producent në filmin e ri i cili do të shfaqet në kinema në 23 nëntor 2022.
