Justin Bieber zbuloi se pësoi një krizë emocionale pasi u martua me Hailey Baldwin dhe kuptoi se martesa nuk do t’i ‘rregullonte’ të gjitha problemet e tij.
“Është një udhëtim,” tha Justin gjatë një interviste me Ebro Darden të Apple Music. “Më kujtohet kur u martova për herë të parë, pata një krizë emocionale, sepse mendova se martesa do t’i rregullonte të gjitha problemet e mia dhe nuk e bëri. Ishte një reflektim: Ti do që gruaja të bëjë diçka që ti nuk po e bën? Ndonjëherë është e vështirë të shikosh në pasqyrë dhe me të vërtetë duhet të kuptosh se ndoshta nuk je personi që ke menduar domosdoshmërisht se ishe. Dhe kjo është vetëm një rezultat i traumës dhe rrethanave të jetës.”-tha ai.
Justin dhe Hailey u martuan në 2018; së pari në një gjykatë në New York, e ndjekur nga një ceremoni e dytë me miqtë dhe familjen në Karolina e Jugut në 2019. Në katër vitet që nga martesa, çifti janë përballur me disa sfida, së fundmi, gjendjen shëndetësore të Hailey. Në vitin 2021, Hailey zbuloi se iu drejtua nënës së saj Kennya gjatë një periudhe të vështirë në martesën e tyre. ‘Mbaj mend që e telefonova disa herë të ndryshme, një herë të veçantë kur ishim në Brooklyn dhe po e thërrisja, po qaja dhe i thash: “Unë thjesht nuk mund ta bëj. Nuk ka asnjë mënyrë që unë do të jem në gjendje ta bëj këtë nëse do të jetë kështu përgjithmonë,” tha ajo në podcastin ‘In Good Faith’ me Chelsea & Judah Smith. Por në fakt ia dolën.
Sakaq, në intervistën e tij me Ebro, Justin zbuloi se ka qenë duke punuar në albumin e tij të ardhshëm. “Unë nuk mendoj se ka ende një datë, por e di që ne po e përfundojmë atë,” tha ai, sipas Billboard. ‘Pothuajse ka përfunduar. Unë jam shumë i emocionuar për këtë. Kam shumë surpriza të bukura dhe po, nuk do të vonohet shumë.’
