“Kam pësuar tri goditje në tru dhe një sulm në zemër!”- Demi Lovato rrëfen pasojat e mbidozës së drogës: Kisha edhe 5-10 minuta jetë

Demi Lovato ka thënë se ka pësuar tre goditje në tru dhe një sulm në zemër pas mbidozës së drogës gati fatale, në 2018-ën.

Ylli, 28 vjeç, u dërgua në spital në Los Angeles. Ajo kishte qenë esëll për gjashtë vjet para se kjo të ndodhte, sipas “The Guardian”.

Lovato do të rrëfejë çdo gjë për varësinë në seritë e dokumentarit “Dancing With the Devil” që do të jepet në YouTube.

“Kam pësuar tre goditje në tru,“- tha Lovato. “Kam pasur një sulm në zemër. Mjekët e mi thanë se kisha edhe pesë deri në 10 minuta më shumë jetë.”

Lovato tha se po jeton ende me efektet e mbidozës, përfshirë dëmtimin e trurit dhe turbullim të shikimit që e pengojnë të ngasë makinën.

Lovato tha se donte të përfshinte në dokumentar një regjistrim, në të cilin shihet një mik teksa i thotë kamerës “ajo duhet të ketë vdekur”. Lovato më pas shton: “Unë kam pasur shumë jetë, si një mace. Unë jam në jetën time të nëntë. ”

Seriali dokumentar me katër pjesë, “Dancing With the Devil” drejtohet nga Michael Ratner dhe flet për rikuperimin dhe karrierën e Lovato-s që nga mbidoza në korrik 2018.

Këngëtarja, hitet e së cilës përfshijnë “Sorry Not Sorry” dhe “Heart Attack”, e ka përshkruar më parë ditën kur pothuajse vdiq si “ditën e saj të mrekullisë”.

Ky është dokumentari i tretë me Lovato-n. Filmi i vitit 2012 Stay Strong eksploroi shërimin e saj pasi ajo anulloi një turne me Jonas Brothers për të hyrë në rehabilitim.

Në vitin 2017 thjesht e komplikuar, Lovato pranoi se kishte qenë e pandershme në Stay Strong dhe kishte qenë nën ndikimin e kokainës gjatë krijimit të filmit.

Filmi i vitit 2012 “Stay Strong” tregoi se si ajo anuloi një turne me Jonas Brothers për të hyrë në rehabilitim.

Në vitin 2017, në “Simply Complicated”, Demi pranoi se gjatë xhirimeve të filmit  “Stay Strong” kishte qenë nën efektin e kokainës.