Këngëtarja e njohur, Camila Cabello ka folur hapur për komplekset që ka për trupin e saj dhe presionin që ajo ka ndjerë vazhdimisht nga paparcët, të cilët e ndjekin sa herë që ajo është me psuhime në plazh.
Ylli i popit përmes një postimi në llogarinë e saj personale në Instagram ka shkruar se fotot e publikuara nga paparacët kanë ndikuar në vetëbesimin e saj.
“Jam prekur dhe jam ndier e papërgatitur, kam veshur bikini që ishin shumë të vogla dhe nuk i kushtova vëmendje pamjes sime, më pas pashë foto në internet dhe komente nga më të ndryshmet. U mërzita shumë. I kujtova vetes kur kjo ndikoi në vetëvlerësimin tim se po mendoja mendimet e kulturës dhe jo të miat. Një kulturë që është mësuar aq shumë me imazhin se si duket trupi i një gruaje ‘të shëndetshme’, nuk është plotësisht e vërtetë për shumë gra. Sot bleva bikini të reja, vendosa shkëlqyes buzësh dhe nuk hëngra asgjë shumë të rëndë para se të shkoja në plazh, sepse e dija se do të ishte në thelb një fotosesion i tërë. E mbajta trupintime aq të shtrënguar sa më dhembte barkun dhe nuk mora frymë dhe mezi buzëqeshja dhe isha aq e vetëdijshme se ku ndodheshin ata gjatë gjithë kohës sa nuk mund ta lija të shkoja dhe të relaksohesha dhe të bëja atë që duhet të bëjmë kur dalim në natyrë’’, është shprehur ajo.
Ish-këngëtarja e “Fifth Harmony” e përmbylli mesazhin e saj duke u thënë fansave se qëllimi i saj ishte “të kthehesha si 7-vjeçarja në plaz, e cila ishte “e lumtur, budallaqe, merrte frymë, pretendonte të ishte një sirenë, E lirë”.
