Një grua ka ardhur me një ide gjeniale për mbjelljen e luleve në kopshtin e saj duke përdorur një palë xhinse të vjetra.
Jess Appleby i erdhi ideja ndërsa qëndronte e izoluar në shtëpi. Ajo vendosi që të mos i hidhte xhinset e vjetra por ti përdorte si vazo lulesh.
Jess e lidhi pjesën e belit të xhinseve në gardhin e kopshtit të saj ndërsa pjesën e tyre fundore i futi brenda çizmeve.
Më pas secilën këmbë të xhinseve e mbushi me dhe’, para se të mbillte livando.
Ajo ndau fotot e shpikjes së saj në grupin Gardening On A Budget Official në Facebook ku mori 7.000 pëlqime.
Ideja e vajzës mori komente pozitive por nuk munguan as shakatë.
“Kjo është një ide e shkëlqyer,”- shkroi një prej tyre.
Ndërsa një tjetër komentoi: “Imagjino të harrosh që i ke përdorur xhinset për vazo dhe të ecësh aty pranë kur të jetë darkë.”
/Panoramaplus.al
NDIQE LIVE "PANORAMA TV" © Panoramaplus.al