Të dielën që lamë pas, emisioni “E diela shqiptare” u moderua ndryshe nga herët e tjera, sepse Ardit Gjebrea është infektuar me Covid-19.
Kështu i gjithë emisioni u drejtua nga ai, teksa qëndronte në shtëpi.
Mirëpo, sot ai ka zbuluar se mjekët i kanë këshilluar të bëjë pak pushim dhe për këtë arsye, moderimi do të bëhet nga tre personazhë të tjerë publik.
“’Gjysma ime’ dhe ‘Të panjohurit’ do të drejtohet nga Enkel Demi, ‘Telebingo Shqiptare’ nga Gentian Zenelaj dhe ‘Ka një mesazh për ty’ nga Marsela Çibukaj.
Lajmin se ishte infektuar me koronavirus, Gjebrea e dha nëpërmjet një statusi në llogarinë e tij në Instagram javën e kaluar, ku shkruante se e ka marrë me qetësi situatën.
Kjo sepse i vetmi shqetësim për të ishte vetëm temperatura jo shumë e lartë.
