Kourtney Kardashian beson se ekspozimi i marrëdhënies së saj me ish-bashkëshortin, Scott Disick, tek “Keeping Up With the Kardashian” luajti një rol të madh në ndarjen e tyre.
Çifti u takua për herë të parë në vitin 2006 dhe kanë pasur shumë ulje e ngritje derisa i dhanë fund çdo gjëje në vitin 2015, shkruan “Daily Mail”.
Gjatë një interviste të dhënë së fundmi, 42-vjeçarja tha se nëse nuk do të kishin marrë pjesë në shfaqjen e njohur, atëherë do të kishte pasur një shans që marrëdhënia e tyre t’i rezistonte sfidave të ndryshme.
E pyetur nëse marrëdhënia e tyre do të kishte qenë ndryshe nëse nuk do ta kishin ekspozuar aq shumë në ekran, Kourntey u përgjigj: “Ndoshta”.
Scott prej kohësh ka pasur probleme me varësinë ndaj drogës dhe alkoolit, prandaj ka qenë disa herë në rehabilitim.
Kourtney e ka mbështetur atë gjithmonë, pasi dyshja kanë edhe tre fëmijë bashkë: Mason, 11 vjeç, vajzën Penelope, 8 vjeç dhe Reign, 6 vjeç.
Aktualisht, Scott është në një lidhje me 19-vjeçaren, Amelia Hamlin, ndërsa Kourtney po shijon romancën me mikun e saj prej vitesh, Travis Barker.
