Klea Huta zhvilloi mbrëmë një bashkëbisedim virtual me ndjekësit në rrjete sociale, gjatë kohës që djali i saj i vogël Krid flinte.
Me anë të një videoje bardh e zi, moderatorja zbuloi se Krid jo vetëm që ka nisur të ecë këmba-doras, por edhe të çohet në këmbë dhe të mundohet të mbajë ekuilibrin.
Një ndjekëse e pyeti këngëtaren se ku e ka bërë hundën, duke e marrë të mirëqenë faktin që nuk është hunda e saj natyrale.
“Ma ka bërë doktoreshë mami”, iu përgjigj Klea, duke hedhur poshtë të gjitha aludimet për një ndërhyrje estetike.
Në muajin qershor të vitit të kaluar, Klea solli në jetë Kridin, mirëpo tani aktorja duket në super formë.
Nisur nga kjo, ndjekësit janë bërë kuriozë të dinë si i humbi kilogramët e tepërt.
Klea zbuloi se nuk ka bërë as edhe një ditë të vetme stërvitje që nga lindja, por mori vendimin të hiqte dorë nga buka dhe kjo e ndihmoi të humbiste plot 16 kilogramë.
Një tjetër element që e karakterizon bukuroshen brune, janë pikërisht flokët e gjatë, të trashë, si dhe të zinj.
Klea zbuloi se ky jo vetëm që është floku i saj i vërtetë, por edhe ngjyra e tij është natyrale, sepse moderatorja nuk i ka lyer asnjëherë.
Ndër të tjera, Huta paralajmëroi se së shpejti mund të sjellë një projekt të ri muzikor.
