“Më kujtohet që kam parë njerëz që shkonin në psikiatri dhe thoja me vete: “Pse shkojnë atje? Ata janë të çmendur”, tha J Balvin në një intervistë në Wall Street Journal “Future of Everything Festival”.
Këngëtari i njohur kolombian ka folur për çrregullimet e shëndetit të tij mendor. Të martën, Balvin iu bashkua Festivalit “Future of Everything” për të diskutuar aplikacionin e tij të ri të shëndetit mendor dhe mirëqenies OYE, dhe pse ai mendon se është jetike të mbahet gjallë biseda rreth shëndetit mendor.
“Kurrë nuk e kam menduar se do të vuaj nga shëndetin mendor. Mbaj mend që kam parë njerëz që shkojnë në psikiatri dhe do të thosha: “Pse po shkojnë atje? Ata janë të çmendur,” – u shpreh ylli i regeton.
“Për shkak se kjo është një stigmë, diçka që ka qenë gjithmonë në kulturën latine apo edhe në mbarë botën dhe sapo fillova të vuaja nga ankthi dhe depresioni, kuptova se ishte një çekuilibër kimik,” vazhdoi ai.
Dhe megjithëse ai kurrë nuk e kishte menduar se do të ishte dikush që kishte nevojë të kërkonte ndihmë, ai tani është mirënjohës që përmes ilaçeve dhe vizitave ka gjetur ekuilibër.
“Varet se çfarë niveli keni, por nuk e kam menduar kurrë se do të mjekohem”, tha ai.
“Kështu që unë ndjej se duhet të flas sepse mendoj … Unë e kalova atë dhimbje me veten. Ne kemi një zë që dëgjohet. Kështu që unë mendoj se muzika është mënyra se si na ka ndihmuar të përcojmë një mesazh. Dhe vërtet mund të ndiej se është mirë t’u tregosh njerëzve të tjerë për shëndetin mendor dhe si t’i ndihmojmë ata.”
Balvin ka qenë prej kohësh i hapur për luftën e tij me shëndetin mendor dhe se si ai po e kalon atë, ndërkohë që vazhdon ende karrierën e tij në muzikë.
Në nëntor 2020, gjatë një paraqitjeje në “En La Sala” një podcast me Becky G, ku ai kujtoi disa nga kohët më sfiduese në jetën e tij.
“Unë thjesht po qaja pa asnjë arsye”, tha Balvin. “Nuk doja të zgjohesha, nuk doja të haja, as nuk doja të jetoja – dhe nuk e dija pse.”
Që kur kërkoi ndihmë dhe mësoi më shumë rreth ankthit dhe depresionit, muzikanti tha se do donte të kthehej prapa në rininë e tij dhe të dinte se çfarë po kalonte, gjëra që nuk i kuptonte në atë kohë.
“Ju humbni shpresën dhe ndiheni të çuditshëm në çdo vend që shkoni. Ndiheni sikur jeni jashtë trupit tuaj,” shtoi ai, duke përshkruar një periudhë kur ishte në shtrat për pesë ditë “duke pritur të vdiste” përpara se të konsultohej me një mjek.
Balvin tha se është “ende e vështirë për mua të pranoj” që betejat e shëndetit mendor mund të jenë “më të fuqishme se ju”.
“Është në rregull të mos jesh mirë,” u tha ai fansave në podcast. “Të kuptoj, ndjej atë që ndjen, e di? Mund të jesh duke kaluar ‘momentin më të mirë në jetë’ dhe po ndihesh prap keq. Të kuptoj, e kam kaluar. Por unë ende kam këtë besim se gjithçka do të kthehet në normalitet. Jam i disiplinuar… Mundohem të bëj një jetë të shëndetshme.”
Në qershor 2020, Balvin shkroi një shkrim personal për “People” në lidhje me mbrojtjen e shëndetit mendor, duke shkruar se shëndeti mendor është “universal” dhe “nuk diskriminon”.
“Shëndeti mendor nuk pyet për moshën tuaj, racën tuaj, prejardhjen tuaj; asnjë nga këto gjëra,” shkroi ai. “Nuk ka rëndësi se si dukeni, me kë po dilni, apo sa para keni në bankë. Sigurisht që është ndryshe për secilin prej nesh. Por kjo na prek të gjithëve.”
“E vërteta është se çdokush në botë mund të luftojë me shëndetin e tij mendor”, shtoi artisti. “E megjithatë jo të gjithë janë gati ta bëjnë këtë.”
