Më në fund është zbuluar arsyeja pse Ledri Vula dhe Morena Taraku qëndruan bashkë në Dubai.
Këngëtari nga Kosova ka qëndruar për pushime, ka punuar për këngën e parë për vitin 2021, projekti i parë po ashtu pasi u bë baba i vajzës Poem, nga lidhja me Sara Hoxhën.
Në profilin e tij zyrtar në “Instagram”, ai publikoi një video teksa shihej duke interpretuar pak nga teksti.
Bashkëpunimin me Morena Tarakun e vërtetoi fillimisht këngëtarti shqiptar Robert Berisha, i cili shpërndau videon e Ledrit në “Instagram”-in e tij duke etiketuar Morenën.
Më pas të dy postuan foto e video nga Dubai, ku shfaqeshin si një çift romantik. Projekti i tij i ri artistik me protagoniste Morenën titullohet “Don mo”, ritmike e zhanrit hip-hop.
Kënga është produkt i producentit Big Bang, ndërkohë tekstin, ashtu si në çdo këngë të tij, e ka shkruar vetë Ledri. “Don mo” është vizualizuar edhe me klip, në të cilin protagoniste është një personazh jo i panjohur për publikun.
E ndërkohë që ndjekësit prisnin një duet me Morenën, në këtë klip ajo u shfaq thjesht si modele. Ndërkohë që ata duket se kanë kimi si një çift i vërtetë, komentuesit nisën të ngacmomin partneren e tij, Sara Hoxhën.
Gjatë një bashkëbisedimi në “Instagram” në rubrikën ‘Ask me a question’, Sara i dha përgjigje pyetjes në lidhje me marrëdhënien e saj me Morena Tarakun, modelja e cila ishte pjesë e klipit shumë romantik më të fundit të Ledrit.
“Çfarë raporti ke me Morenën?”, e pyeti një komentues. “Super raport”, – tha shkurt Sara, duke treguar se e di që bëhet fjalë vetëm për punë dhe nuk ka pse të bëhet xheloze për afrimitetin e saj me Ledrin.
Kanë qenë sekueca të ndryshme në klipin më të ri të Ledrit “Don mo”, në të cilat Morena dhe Ledri duken shumë të afërt, që kanë ngritur dyshimet se Sara mund të bëhej xheloze, pasi ky afrimitet mund t’i rrezikojë marrëdhënien me Ledrin, tashmë që janë bërë prindër.
Por Sara e ka treguar dhe herë të tjera që nuk vuan nga xhelozia, pasi ajo është parë të shoqërohet me ish-in e Ledrit, këngëtaren e njohur Dafina Zeqiri.
I konsideruar si “Donzhuani i muzikës”, të gjithë u bënë kureshtarë të mësonin më shumë për “magjinë” e Sara Hoxhës, vajzës që e bindi 35-vjeçarin të bëhej nëna e fëmijës së tij.
Ledri Vula dhe vajza e rritur në Zvicër, Sara Hoxha, jo vetëm janë bashkë, por kanë zyrtarizuar prej kohësh lidhjen e tyre në distance, për t’u bërë një familje pas ardhjes në jetë të vajzës.
U bë kohë që flitej për një romancë të reperit Ledri Vula dhe një vajze simpatike, e cila nuk ishte pjesë e showbizz-it shqiptar, Sara Hoxha.
Destinacionet e tyre të përbashkëta dhe marrëdhëniet e mira që Sara Hoxha kishte me miqtë e ngushtë të Ledrit vërtetonin se çifti ishin bashkë, megjithatë ata asnjëherë nuk e kishin pranuar diçka të tillë.
Pas pushimeve në vendet luksoze, ata shiheshin gjithmonë e më pranë familjarëve të tyre. Kështu ndodhi në ditëlindjen e 27-të të Sara Hoxhës, kur reperi u kujdes ta surprizonte atë me një buqetë të madhe me trëndafila të kuq e rozë dhe ajo nuk hezitoi t’i ndante edhe me ndjekësit e saj.
Reperi është përfolur shpesh në media për marrëdhëniet e tij me femrat. Thuhet se partnerja e tij është mbesa e Telat Agollit, kampionit të peshëngritjeve.
Ata të dy vendosën të thyenin heshtjen për romancën e tyre, duke hapur dhe një adresë të përbashkët në “Tik-tok”. Tashmë Sara është një personazh mjaft i ndjekur në “Instagram”, aty ku së fundmi e ka bërë dhe profilin publik, në mënyrë që të gjithë të shohin fotot nga përditshmëria dhe udhëtimet e shumta që bën apo jetën si nënë e re.
Kurioziteti është shumë i madh për Sarën, duke qenë se është dhe partnerja e një prej reperave më të kërkuar në tregun shqipatar.
Po kush është Sara? Ajo e ka zbuluar vetë. Ajo realizoi pak kohë më parë një mini-intervistë me ndjekësit e saj në “InstaStory”, ku iu përgjigj pyetjeve të bëra duke zbuluar shumë detaje për veten, që nuk i dinim më parë për të.
Sara ka lindur në Zvicër, është 28 vjeçe dhe 1.64 cm e gjatë. Mes “Samsung” dhe “Iphone”, ajo zgjedh këtë të fundit, madje tregoi se fotot e saj i rregullon vetëm me efektet e telefonit, ndonjëherë përdor programin “VSCO”.
Sara nuk e frekuenton palestrën, nuk përdor fare krem për fytyrën e saj (fondatinë), madje as nuk shikon televizion shqip.
Le të shohim nëse Sara dhe Ledri do të vendosin të organizojnë një dasmë VIP, siç kanë premtuar prindërit e Ledrit!
